Ikastaroa

Solasbide

Hizkuntza ohituretan eragiteko ibilbide pertsonala

Hizkuntza: euskara

Ongi etorri! Ikastaroa ezagutzeko informazioa aurkituko duzu hemen.

Kaixo! Ongi etorri solasBIDEra,

hizkuntza ohiturak lantzeko ikastarora.

Ni Nahia naiz, eta ikastaro honetan zehar ibilbide pertsonal bat egitea proposatzen dizut: hizkuntzek jendartean duten garrantziaz eta paperaz ohartu, jarrera eta portaeretan eragina duten kontzeptu eta elementuak ezagutu, egiten duzunaren gaineko kontzientzia hartu eta, ondo baderitzozu, zure hizkuntza ohiturak aldatzen lagunduko dizut. 

Ikastaroan zehar burutuko duzun barne-prozesu horretan bidelagun izango nauzu. Bidea hasteko prest?

Nahi duzun gailutik eskuragarri!

Ikastaroa ordenagailutik zein mugikorretik egin dezakezu. Edukia erabilitako gailura egokituko da. Gogoratu, mugikorren kasuan, eduki guztia ikusteko pantaila behera mugitu beharko duzula seguruenik.

Nabigazio erraz eta intuitiboa

Nabigazioa lineala da, hau da, unitateak ordenean burutu behar dira, eta aurrekoa ikusi ezean, ezingo duzu hurrengora pasatu.

Unitate bakoitzean aurkezten den edukia pasatzeko behekaldean agertzen diren geziez baliatu behar zara. Behin eduki guztia ikusita, “Hurrengo” pantailara pasatzeko aukera izango duzu.

Unitate guztiek dituzte eduki teorikoa eta jarduera praktikoak. Ikastaro bukaeran ebaluazioa izango duzu, eta gaindituz gero, ziurtagiria eskuratuko duzu.

Ikastaroan hainbat kontzeptu soziolinguistiko lantzen dira. Hauen definizioak Eusko Jaurlaritzak eta Soziolinguistika Klusterrak argitaratutako Soziolinguistika Eskuliburutik jasota daude.

Behar baduzu, jarri gurekin harremanetan: prestakuntza@artez.eus

Ikastaro Edukia

Ikasgaiak Egoera
1

1. Hizkuntza eta jendartea

2

2. Hizkuntzen egoera Hego Euskal Herrian

3

3. Jarrerak eta jokaerak

4

4. Hizkuntza ohiturak: eta zuk nola egiten duzu?

5

5. Estrategiak

6

6. Ebaluazioa