Kutxabanken jarduera esparruari lotuta, laneko euskaran trebatzeko, erakundeko langileei zuzendutako hizkuntza ikastaroa da hemen aurkezten zaizuna. Banketxearen egunerokotasunean eman daitezkeen egoeren bidez, hizkuntzaren alde ezberdinak lantzeko aukera izango duzu.

Ikastaroa 12 unitatek osatzen dute eta unitate bakoitza 3 ataletan dago banatuta: gramatika, berariazko hiztegia eta ulermena. Atal bakoitzean eduki teorikoa azaltzen da eta ondoren, eduki horiek praktikan jartzeko ariketak dituzu.

Ikastaroa osatzen duten unitateak eta atalak ordenean burutu behar dituzu, lehen unitatetik hasi eta azkenera iritsi arte. Atal bakoitza bukatzean, osatu duzula adierazteko botoia ikusiko duzu. Egin klik botoi horretan hurrengo atalera joateko.

Ikasgai bakoitzaren bukaeran ebaluazioa izango duzu, unitatean zehar landutakoa birpasatu, eta eduki nagusia menperatu duzun jakiteko balioko dizuna. Unitate batetik hurrengora pasatzeko beharrezkoa izango duzu galdetegia gainditzea. Lehenengoan gainditu ezean, ez kezkatu, nahi beste aukera izango dituzu berriz saiatzeko eta.

Lagungarri izango zaizkizun baliabideak dituzu: berariazko hiztegia, posta elektronikoak eta oharrak idazteko aholkuak, eta hainbat hiztegi batzen dituen gunearen esteka.

Baliabide hauek pdf formatuan deskargatu ditzakezu.