Orduak nola idatzi

Euskaraz, orduak zenbakiz idazten ditugunean lau digitu erabiliko ditugu: lehen biek ordua adieraziko dute eta, hurrengo biek minutuak.

Orduak eta minutuak bi puntuz bereizita idatziko dira: 09:55, 18:15, esaterako.

Deklinatzean, desberdin idazten dira ordu osoak eta minutudunak.

Ordu osoak: kasu marka pluralean adierazi behar da: 10:00etan, 04:00etan...

Minutuak agertzean, kasu marka Singularrean adierazi behar da: 08:40ean, 12:05ean

01:00 eta 13:00.

Ordu bakarra denez, singularrean adieraziko dugu: ordu bata (ez ordu batak)

Era berean, deklinatzean ordu batean erabiliko dugu (ez ordu batetan).

Kasu-marka ezartzerakoan, aintzat izan behar dugu ahoskatzen den zenbakia bokalez ala kotsonantez bukatzen den.

Kontsonantez amaitzean: -e- bat erantsi.

Adibidez, 10:50. (berrogeita hamar kontsonantez amaitzen da:)

10:50ean; 10:50era

Bokalez amaitzean: ez da -e- bat erantsi behar.

Adibidez, 14:04 (Lau bokalez amaitzen da):

14:04an; 14:04ra